Mukherjee-i November ita nung Nepal semdangtsü

Kathmandu, October 3 (Agencies) : India Tir Pranab Mukherjee-i November 02, 2016 nü nungi tenzüka Nepal asemnü semdangtsü, ta ketdangsertemi ashi.
Nepal Tir-i Bidhya Devi Bhandari-i jaokba ama Diwali benjong temli Mukherjee Kathmandu-i arutsü, ta Nepal ketdangsertemi IANS dang ashi.
Nepal aser India naprongi linük semdangtepba maparen tenzükogo.
K.R. Narayanan-i 1977 küm Himalaya tenemtsüng nung aliba linük, Nepal semdangba sülen India Tir shingaia iba linük mesemdangi aru.
2014 küm Narendra Modi-i Kathmandu semdangbaji India nunger Ato Kilonser kati Nepal küm 17buba nung semdangba lir.
Nepal-ibo India dang mapang shia nüngdakba olemtep akatsü ajungshia arur.
Mukherjee-i Nepal semdangba sülen Nepal Tir-ia India semdangtsü, ta kasa ketdangsertemi shisem.
Taoba mapang Nepal Tir-i India semdangtsü liasü saka ajungbena atihba ajanga India Tir-i Nepal semdangtsü aliba sentong koma ang mesüi aküm.