Mulungsentsü nung tsüngtsüng

Tebangkatsü miim sangoktsüba tsüngtsüng. – Mathi 27:19-25
Pilate dang tekümdangtsü ashi. Pilate tebutsüi pungmang ka pungmang aser la pungmang nung lai shidakbaji angu, aser kodang sak la tanela kanga tim atem. “Iba tai maketba nisung dak kecha tamajung teinyak.”
Lenmang balala nungi asenok dangi tekümdangtsü arur. Khen-khen tembar dang nungi arur khen-khen Kibuba kodak tenyartem nungi arur. Asen mulungsentsü nung tekümdangtsü tsüngtsüng atemer ama jembir. Au, tekümdangtsü tejangja aser mapatemji sendaktepa liasü, saka… Pilate-i tekümdangtsüji magizük, aser mang ayangtsü jangrar putirtem nem Kibuba agütsü. Pilate-i pa mulung menendaktsü aser pa teka metsükdok! Tatalokba ka nungi jenbutsü koda tera merangdang asenoki jenbutsü tatemzükba lenmang bushir. Asenoki Kibuba kangki nung angenlok aser asenoki kangki azüker aser shiruru nem kichiba lapoktsür.
Tamajungba tanelai teti kü mapa tetshir, aser pa ji tetenzük nungi nisung tepseter lir. Ni Pa kodanga magizük, kü kibur kangki nung tanaben angenloktsü yoker asü, aser yimjak nungi maksüdaktsür asü?
Tanaben ni sarasademdi. Kü memeshiba aser mejungi shimba, tepsettsü jangraa shimba asoshi kü dang tai tokang, o Kibuba.