Mumbai bomb lendong ken o nung aija alisang Qadir Ahmad puogo

Lucknow, July 08 (Agencies): 1993 küm Mumbai nung bomb aika amshia amakdang nisung 257 tepsetba ken o nung aija alisang, Qadir Ahmad Honibarnü Gujarat Police aser Uttar Pradesh Anti Terrorist Squad nati senteper Najibabad yimti nung puogo.
Bomb aika amshia amakba tatalokba sülen küm 24 lir taküm June 16 nü TADA court-i Abu Salem aser Mustafa Dossa densema nisung trok aija liasü.
Tiger Menon-i Gujarat, Jamnagar yimti nungi yokba tapoktsü osettem, prangpong aser injangtem Mumbai nung agizükba nung Qadar Ahmad-i tongtibang shilem agia liasü, aser tesülen itemji Mumbai amakba mapang nung amshi.
Inspector General of Police (IG) ATS, Aseem Arun-i ashiba agi, Ahmad ji magistrate matsüngdangi anir aotsü aser iba sülen Gujarat-i anir aotsü.
Gujarat nung aliba court kati tetuyuba agütsüba nung ajemdaker Ahmad apu.