Mumbai City FC puri Vignesh Dakshinamurthy alizükogo

Mumbai, Rongjui/September 8 (Agencies): Indian Super League (ISL) taruba season atema Mumbai City FC puri asayar tem anidenba maparen tembanga parnoki India Under-23 football team nungi asayar Vignesh Dakshinamurthy alizükogo.
Club-i pa den tenangzüktepba yangluba Küptoknü media ajanga sangdonga liasü.
Dakshinamurthy ya Bengaluru nungi lir aser pa first team squad-i mai tsüngda Ozone Academy nung shilem agia liasü.
Iba sülen arishi küm 20 tain asayar ya India nunger kümsük telemsa balala team nungi asayaa arudar.
Pa tawa Stephen Constantine-i aniba U-23 squad nungi Dhaka nung SAFF Suzuki Cup asayaogo.
Dakshinamurthy ya football asayaa aruba kibong ka nungi lir. Pa teku East Bengal aser Mohun Bagan nunger amala nüngtugu club nungi asayaogo aser tenü tanobusang tawa training atema Denmark-iogo.
“Onoki Vignesh dak tamang akar. Pa lanur ka lir aser sempet aketba asayar ka lir. MCFC nung pa adenba atema onok kanga pelar,” ta Mumbai City FC CEO Indranil Das Blah-i ashi.
Taküm ISL Rongjui/Sept 29 nü nungi tenzüktsü.