Mumbai court-i Vijay Mallya nem bail magütsütsü tuyuogo

Mumbai, April 18 (Agencies): Hombar nü Special court kati sen crore 900 apuba ken o nung Vijay Mallya nem bail magütsütsü tuyuogo.

Enforcement Directorate (ED)-i temepishiba ka benokba nung ajemdaker Special judge, PR Bhavake-i iba tetuyubaji agütsü. Joko iba tetuyuba agütsür asünungji Mallya anema Interpol nem red corner notice agütsütsü lenmang lapoktsüogo.

Tanep court nung iba ken oji nikongdang anatsülen nungi angadangtsü lemteta ayu.

Kingfisher airlines atema senior counsel, Amit Desai den Pranav Badheka nati, airline ketdangsertemi ED den akokba tashi agi yaritepdar, anungji parnok maitsütsüla, ta ashi. Tenatisa, Vijay Mallya-i bendanglen kiojen alitsü atema bank dang apuba senji tim mesüi amshi ta tai tongloktsütsüsa kuli mali, ta ashi.

Tanü ED counsel, Hiten Venegaonkar-i, Mallya-i ED matsüngdangi arutsüla, kechiyong IDBI bank dang sen crore 900 apuba ken o nung tamalena pa asemben jaoka liasü, ta ashi.

ED-i Mallya indang passport agientsü benokba sülen April 15, 2016 nü External Affairs Ministry-i pa indang passport agiena liasü.

Iba ken bushisüngdangba maparen nung Mallya-i ketdangsertem den meyariteper, anungji pa indang passport agientsüla ta ED-i benoka liasü.