Mumbai lendong kodanga mamatettsü: Bollywood

November 26, 2015: 26/11 nü kiralongrari Mumbai nung azüdokshi lendong tulu agutsüba sülen küm tenet ajungmung Brihostibarnü amungdang Bollywood nung shilem agir Lata Mangeshkar, Anupam Kher, Priyanka Chopra aser Onir nungeri iba lendong nung taküm samartem nem tetushi aser akhümtsübu agütsü.

Iba ama ozüng alema benshiba mapa tangang atalokli ama bilemteter, ta parnoki ashi.

Hotel tem nung tai maketba nisungtem dak atsüoker Pakistan nunger parnok 10-i yimti nung gari lenmangtem nung injang akahba ajanga linük rangben aoksatep. November 26, 2008 nü nungi tenzükba lendong ya gondha 60 sülen anen aser lendong nung bendanger 28 dena ajak agi nisung 166 kahset.

Item kiralongrar rongnung taküm apusangji Ajmal Kasab kija liasü aser küm pezü sülen pa November 21, 2012 küm alenseta südaktsü.

Actor temi Twitter ajanga Mumbai police nungi linük asoshi taküm bendanga agürtsür tem nem tetushi agütsüba kar yamai:

Lata Mangeshkar: 26/11 nü linük asoshi taküm bendanga agütsür nem akhümtsübu agütsür.

Anupam Kher: 26/11 nü linük asoshi taküm bendanga agütsümi tasü ita aser pei taküm bendaga agüja raraba asoshi ni tetushi agütsür aser sarasademtsür.

Priyanka Chopra: 26/11…onoki kodanga mamatsü… “#MumbaiMeriJaan”

Ashish Chowdhry: Küm tenet süiogo, iba anogo nung nisung tajung taküm jenti lalu. Ni küm tenet tashi nisung ajaki pei Tsüngrem, tamangba yimsü aser kati ka angatettsü asoshi sarasadema arur.

Varun Dhawan: Mumbai nung lendong atalok dang yimti kümzüktsü meji taküm tenla agüja rarar police tem nem akhümtsübu agütsür aser asür kibongtem temulung anisüngzüka lir ta amanger.

Preity Zinta: Linük telung aser arrtsülen linük kümzüka ayuba mapa nung tasü tait nisungtem dang kanga pelar.R.I.P #Mumbailendong #kodanga mamatettsü.

Raveena Tandon: #26/11 #kodanga mamatettsü.

Onir: Mumbai otsü nung tejashitiba anogo, 26/11. Iba anogo ya linük asoshi taküm bendanga agütsürtem bilemtetba anogo ka lir.