Mumbai, March 12, 2016 : Actress Sonakshi Sinha khu renemer Madrid, Spain-i ogo. La Madrid-i aotsü sentong lai twitter ajanga la sapurtem den lemsatepogo, ajsüaka kechi atema ao-ar ibajibo mashi. Nisung aikati khen nung nail polish atepba tetoktep nung takok ngua Guinness World Records-i aiba rongnung densemla, Sonakshi ya memonoi “Akira” aser “Force 2” film tem nung asenoki angutsü.

Mumbai, March 12 (Agencies) : Film yanglur Karan Johar-i, Bollywood “Queen” Kangana Ranaut den külemi mapa inyaktsü matateter, ta ashi.
Twitter nung Live Chat sentong ka akaba mapang, twitter amshir kati, “Kangana-a koda, nai la den külemi inyakner meinyakner?” ta asüngdanga liasü.
Iba mapang Karan Johar-i, “Ni la den külemi inyaktsü matateter,” ta langzüa liasü.
Tang ya Varun Dhawan aser Alia Bhatt nati shilem agiba “Shuddhi” film atema olulu aika jembidar aser ibaji jangjatsütsü atema iba film producer Karan-i, “Shuddhi” film ji September aser October tsüngda nung sayatsü, ta shiogo.
Otsüsütsü film “Student of the Year”, “Kabhi Khushi Kabhie Gham…” aser “Kuch Kuch Hota Hai” film tem yanglusangi memonoi film nung nisung tasen kar anioka shilem agidaktsütsü ta lemsatepa liasü.
Karan ya screen tulu nung dang masü saka TV nunga “Koffee with Karan” talk show sentong ketdangser lir.
Pai, tamalen ashiba ama iba sentong nung taküm asoshi mezüng episode nung pa tembar aser superstar Shah Rukh Khan dak alaka tangar shinga mejaoktsü, ta ashi.