Mumbai nung gari ka nungi nashi shi kg 1000 den nisung 4 apu

Mumbai, August 02 (Agencies): Deobar anepdang yakta Mumbai anasa Vikhroli nung shiruru temeten asoshi inyaker melungtet telok, Karuna Parivar nungi züngsemtem aser police senteper SUV gari ka soter mita reprangba mapang nashi shi seret 1000 aliba apu, aser iba dak sentakba nung police-i Maharashtra Animal Preservation Act, 1995 kübok nisung pezü puogo.
NGO telok nung züngsem Bhavin Gathani-i, ”Nisung kari nashi tepseter shiji Sangamner nungi Kurla tashi Qualis gari ka nung belendar ta osang ka lazük. Onoki iba osangji police nem metetdaktsüba sülen Vikhroli nung par pezü den ozüngi memelaba shiji apu,” ta ashi.
Tang pua alirtemji Younus Kureshi, Mavat Shaikh, Mohammed Jafer aser Sajid Kureshi nunger lir.