Mumbai nung gas cylinder apok, nisung 8 asü

Mumbai, October 16 (Agencies): Hokolbar nü nisung jenti aliba hotel ka nung gas cylinder ka apokba sülen mi ajanga tajemba agi nisung ti süogo, ta ketdangser kati ashi.
Tanü nikongdang 1:30 ako meta Mumbai, Kurla tesem nung Holy Cross school anasa City Kinara Hotel nung nisung jenti chiyungtepba mapang ajungbena hotel joka nung gas cylinder ka apok, aser ibaji ajanga mi tulu jangrua nisung ti tashi rongset, ta BMC Disaster Control ketdangser kati ashi.
Cylinder apokba kuliji bushisüngdangdagi, ta police-i shiogo.