Mumbai nung ki chirepba lendong nung nisung 6 asü

Mumbai, April 30 (Agencies): Honibar nikongdang Mumbai nung asemben tashi amentepa yangluba ki ka chirepba lendong nung nisung trok süogo aser aika jana agi rembanga lir, ta ketdangsertemi ashi.
Tanü nikongdang 2:00 ako meta Grant Road, Kamathipura tesem nung aliba ki chirepba jana nungi nisung ponguboa kümzükogo, aser nisung aika jana jagi rembanga alitsü südi, ta fire brigade ketdangser kati ashi.
Yirua alir nisung ana JJ Hospital aser Nair Hospital na nung asü, aser tanüngba yirua alirtemji kanga mejungi lir, ta BMC disaster control room ketdangsertemi ashi.
Tanü chirepba building nungji beer bar, factory densema shishilembaba takdang balala liasü.