Mumbai nung Motorola puri ‘Moto Hubs’ 50 lapoktsü

Metsüremi 15, 2018 (Agencies): Shishilembaba tsütsü parnok jenjang akangshitsü asoshi Motorola India puri Mumbai nung “Moto Hubs” tasen 50 lapoktsüba Yangtepnü sangdongogo. Item Hub tem ajanga customer tem nem tawa sayaba “Moto Z2 Force” aser “Moto X4” smartphones dena Motorola devices tem ajak experience asütsüba atema maongka agütsütsü.
“Onoki retail tsütsü shishilembaba maneni atsülangtsü aser tamshirtem nem onok indang producr tem melamela ngutettsü aser experience asütsü asoshi maongka agütsütsü,” ta Motorola Mobility India, Managing Director, Sudhin Mathur-i sangdong ka ajanga metetdaktsü.
Lenovo meyong Motorola company indang customer tem Maharashtra nung aika lir aser iba tesem nung Quarter-on-Quarter (QoQ) nung shilem 18 tashi renlokogo. Motorola sale tasembuba parnok indang outlet balala nungi akatsü asoshi nükjidong aliba mapang ka nung company puri taoba hopta-a Kolkata nung “Moto Hubs” tasen 25 lapokogo aser linük ajunga nung offline retail tsütsü shishilembaba maneni akangshia odar.
Maneni retail tsütsü parnok shishilembaba atsülangtsü asoshi company puri Aenjeti (January) Delhi nung Moto Hubs 50 lapokba sangdonga liasü. Company pur Tamil Nadu, Puducherry aser Karnataka nung Poorvika Mobiles den yimti 43 nung longjemogo aser Andhra Pradesh aser Telangana nung nüburtem nem retail access agütsütsü asoshi yimti 55 nung Big C aser Lot Mobile stores tem den longjemogo.
“Moto Hubs” tem nung on-ear aser in-ear headphones, Moto shells aser phone cover nunger amala dena angutsü.