Mumbai nung Sonu Sood indang kürakyanglu ka sayaogo

Mumbai,  October 2, 2016 : Bollywood actor Sonu Sood indang kürakyanglu ka Sunil’s Celebrity Wax Museum, Mumbai nung sayaogo.
Iba kürakyanglu ya “Dabangg”, “Happy New Year” aser “Jodhaa Akbar” film tem nung shilem agisang, Sonu indang aser iba latex wax agi yangluba kürakyanglu ya Minister of State for Home (Urban) Deepak Kesarkar-i sayatsü.
Sunil’s Celebrity Wax Museum nung Managing Director aser Sculptor, Sunil Kandalloor-i Sonu indang kürakyanglu ya ita asem nung yangluzük.
“Sonu Sood ya Hindi, Punjabi, Tamil aser Telugu film tem nung kanga junga shilem agir ka aser tajangshiba aika ajangshia aruba nisung ka lir, ” ta Kandalloor-i sangdong ka ajanga ashi.
2010 nunga Kandalloor-i Pune anasa Lonavla nung International Wax Museum ka lapok aser iba nungji India aser international nungi tongtibang nisung tem indang kürakyanglu 100 yua lir. Pa indang museum ya raliwalirtemi kanga sapur. Item kürakyanglu rongnung Ato Kilonser Narendra Modi-a densema lir.