Mumbai nungbo petrol litre ka nung sen 90.8 kümogo

New Delhi, Rongjui/September 24 (Agencies): Linük nung petrol aser diesel totzü jenjang maneni tua tanü Mumbai nungbo petrol litre ka nung sen 90.08 aser diesel litre ka nung sen 78.58 kümogo.
Ano Delhi nunga petrol litre ka nung sen 82.72 kümogo.
India nunger sen ‘rupee’ jenjang tamajungba akumba aser totzü tazü jenjang atuba kuli ajanga taoba ita tom nungi totzü jenjang maneni tudar.
Yashi Mumbai nung petrol litre ka nung sen 89.97 agi yoka liasü aser tanübo poisa 11 tua sen 90.08 kümogo.
Delhi nunga sen tua petrol litre ka nung sen 82.72, Kolkata nung sen 84.54 aser Chennai nung litre ka nung sen 85.99 kümogo.
Tanü Diesel totzü jenjanga tuogo. Mumbai nung Diesel litre ka nung sen 78.58, Delhi nung sen 74.02, Kolkata nung sen 75.87 aser Chennai nung sen 78.26 kümogo.
Yimti tulutem rongnung Delhi nung totzü jenjang tajemba, kechiyong yangji sorkari saru tajemba agir.
Taoba ita Luroi/August tom nungi tenzüka tang tashi nung petrol litre shia nung sen 5 agi tali tuogo. Yaküm Monupii/May ita tashi totzü jenjang hopta ana shia khen reprangshia liasü, ajisüaka yaküm Aami/June ita nungi totzü jenjang anogoshia reprangshia ateter.
Linük nung totzü jenjang kanga atuba anema Rongjui/September 10, 2018 nü Congress leniba nung opposition party 20 dak temai linük tesem ajaklen longkak aita liasü.