Mumbai nungbo petrol totzü litre ka nung sen 90.75 kümogo

New Delhi, Rongjui/September 29 (Agencies): Tanüa linük nung petrol aser diesel totzü jenjang maneni tua Mumbai nungbo petrol litre ka nung sen 91 jüngnüa tuogo.
Linük nung rongsenkettsüng yimtiba, Mumbai nung yashi petrol litre ka nung sen 90.57 liasü aser tanübo litre ka nung sen 90.75 jungogo; iba osang ya Indian Oil Corp indang website nung tejangja angutsü.
Delhi, Kolkata aser Chennai yimtitem nunga tanü petrol litre ka nung sen 83.40, sen 85.21 aser sen 86.70 agi ayok.
Alima nung totzü tazü jenjang atuba den külemi totzü shibelenba jenjang atuba ajanga totzü jenjang tanen makai atur. Tang Brent crude oil barrel ka nung US sen $83 shi lir.
India nung petrol nungdang masü saka diesel totzüa jenjang tuogo. Tanü Delhi, Kolkata, Mumbai aser Chennai yimtitem nung diesel litre ka nung sen 74.63, sen 76.48, sen 79.23 aser sen 78.91 agi ayok.