Mumbai nungi lanur asem ISIS nung dener südi: Mumbai Police

Mumbai, December 21 (Agencies): Mumbai nungi lanur asem samar mapang talangka mangur, aser parnokji Islamic State (IS) nung dener südi, ta police-i ashi.

Lanur asem- arishi küm 23 Ayaz Sultan, Mohsin Sheikh (26) aser Wajid Sheikh (25) nunger ajakji Mumbai, Malvani kiyong nung alirtem lir.

“Par asemji IS nung dener südi ta onoki melung malemer aser ibaji jangjatsü atema onoki bushisüngdangdagi,” ta tanü Malvani police station nung inspector Milind Khetle-i ashi.

Lanur asem tsüraburtem jagi parnok samaba osang police station nung agüja liasü.

Ano Anti-Terrorism Squad ketdangser katia, Sultan ji October 30 nü sama aser tanüngba lanur anaji December 16 nü sama, ta ashi.

Yaküm May ita nung Mumbai anasa aliba Thane district, Kalyan nungi lanur pezü Syria-i oa IS nung aden. Iba sülen parnok rongnung Areeb Majeed meyipa aru aser tang NIA ket nung lir, ajisüaka tanüngba nisung asem osangjibo mejangjar.