Municipal Authorities state level advisory senden amentsü

Kohima, Aami/June 02 (TYO): Urban Development Department-i sangdong ka ajanga, Ministry of Environment, Forest & Climate Change, Government of India-i ‘Solid Waste Management Rules, 2016’ tenzük aser Urban Development Department, Government of Nagaland kübok ‘SWM Rules, 2016’ benoka inyaktsü atema Municipal Authorities dang len sayutsü atema state-i “State Level Advisory Board (SLAB)” tentetogo, ta tanü ketdangsertem sangdong ka ajanga metetdaktsü.
States aser UTs ajaki stakeholders- SLAB züngsem ajak den angatettepa State Policy aser Solid Waste Management Strategy yanglutsüla.
Supreme Court of India-i tetuyuba ka ajanga Nagaland densema Urban Development Department secretary tem dang 10.07.2018 anogo nung maneni ken o angadangba mapang nung Court-i arutsü metetdaktsüogo.
Iba dak sendakba nung mezüngbuba SLAB sendenji Aami (June) 7, 2018 anüngdang 11:00 ako nung Conference Hall, Directorate of Urban Development, Kohima nung ayongzükogo, aser iba sendenji Commissioner & Secretary, Urban Development mendenbuba ser amentsü.
Anungji Deputy Commissioners & Administrators, Municipal/Town Councils densema SLAB züngsem ajak iba senden nung medema adentsü mepishia metetdaktsür, ta ketdangsertem sangdong ka ajanga metetdaktsü.