Municipal & Town council election agitsü

Kohima, Oct. 05 (TYO) : Nagaland nung taküm 2016 küm December ita nungsa Municipal aser Town Council election agitsü state cabinet-i telemtetba agiogo.
Iba election nung Municipal aser Town council shia nung tetsürtem nem menden 33% shiteta yutsütsü atema inyakyimji ward number asem nungi tenzüktsü aser tatem tashi asemsem agi lemtetba züngya 6,9, 12, 15 ta shiteta yutsütsü aser tanüngba ward-tem nnngji tebur aser tetsür a dena tokteptsü akoktsü.
Tang tenteta aliba MMC aser Town Council election agitsü atema tamalen delimit süa aliba nung agitsü aser tasen tentettertem asoshi tekaratiba nung item mapatemji atemtsü aser 2016 December nungsa election ya agiadoktsü ta kilonser tazüngpurtemi telemtetba agiogo.