Mokokchung, Luroi/August 29 (TYO) : Mopungchuket Baptist Arogo küm 125 ajungba Quasquicentenial 2025 December 27 nungi 28 tashi “Khrista Ajanga Yimjung” ta asüba omen nung ajemdaker amongtsü sentongtem renema lir.
Mopungchuket Baptist Arogo-i iba Free Multispeciality Camp ya Quasquicentenial dak ajemdaker Asetkong tzükong nüburtem atema August 29 nü Impur Christian Hospital aser August 30 nü Mopungchuket nüburtem atema ayongzüka kanga dang takok ngua agidagi.
August 29 nü Impur Christian Hospital nung Asetkong tzükong nüburtem atema Free Multispeciality Camp akadang temang tendanga tetendangba balala agia pei timtem den apet mozü angati agütsüogo.
Mopungchuket senso rongnungi Doctor 35 lir aser item rongnungi iba Free Multispeciality Camp nung Doctor 17-i shilem agia yaritepdagi aser anükapang Doctor 25 nungi parnok 6-i aruagi shilem agia yaritepdagi. Aser iba den ano technician 15 ajanga laboratory nung, X-Ray,Ultra sound aser tapu balala teyariteper parnok 70 tashii nentaka anepaludagi.
Mopungchuket Baptist Arogo-i iba Free Multispeciality Camp nung nübur 1200 tashi temang tendanga tetendangba balala agia mozü angati agütsütsü asoshi renema lir.
August 30 nü Mopungchuket yimtak kasa Free Multispeciality Camp ya akatsü. Mokokchung District kübok Free Medical Camp Arogo mesüra telok balalai ayongzüka akaba rongnung Doctor timtibai shilem agia nübur temang tendanga angati mozü agütsüba ya iba ya tulutiba asütsü.
Mopungchuket Arogo-i Free Multispeciality Camp agütsür added by nungsang on
View all posts by nungsang →
You must be logged in to post a comment Login