Murray Aegon Championship semi-i iogo

London, June 18 (Agencies): Defending champion, Andy Murray-i külem Britain sensopur, Kyle Edmund madak takok ngua tang tasayadak Aegon Championships semifinal-i yashi, Hokolbar nü iogo.
Tebur World No. 2, Murray-i yashi points 6-4, 3-6, 6-1 ngua Edmund tsükdaktsü.
Murray-i Croatia nunger Marin Cilic den semifinal asayatsü lemzükogo.
Tan asayamong nung 3 buba jenjang abener, Canada nunger Milos Raonic-ia Australia nunger Bernard Tomic den semifinal asayatsü lemzükba osang angazükogo.
Raonic-i yashi points 6-1, 6-4 agi Spain nunger Roberto Bautista Agut madak takok ngua liasü.