Murray Tour Finals Semi asayatsü

London, November 19 (Agencies): Britain nunger Andy Murray-i Switzerland nunger Stan Wawrinka madak takok ngua, tang tasayadak ATP Tour Finals asayamong semifinal asayatsü jenjang yashi, Hokolbar nü ajangzükogo.
World No. 1, Murray-i yashi minute 86 nung points 6-4, 6-2 ngua, Wawrinka tsükdaktsüba densema, Serbia nunger Novak Djokovic den tan asayamong final asayatsü jenjang angutsüsa maneni takok ngua asaya.
Arishi küm 29 tain Murray-i par semifinal asaya Canada nunger Milos Raonic den asayatsü lemzükogo.
Wawrinka-i tamakok anguba ajanga par group nung Japan nunger Kei Nishikori-i Murray sülen anidaka, tanabuba jenjang ajangzüker küma, defending champion, Djokovic den tanabuba semifinal asayatsü temeten angur lir.