Music ajanga Animation film tali jungdaktsür: Anna Kendrick

Los Angeles, November 27 (Agencies): Actress aser kentener Anna Kendrick-i ashiba agi animated film ka ajanga otsü ka ashidang music ya kanga tongtibang lir.
“Ni ‘Shrek’ film nung musical sequences kanga meimer, aser music ajanga animation kanga jungdaktsür ta bilemer. Music aser animation na ya kanga tapet lir, ta bilemer,” ta Kendrick-i ashi.
animated film “Trolls” nung Poppy ola ya Kendrick ola lir aser iba film ya India nung Deobarnü Star Movies aser Star Movies HD nung sayuogo.
Iba film nung Justin Timberlake den külemi inyakba indang jembidang lai ashiba agi: “Pa den inyaktsübaji tarendaktsüka lir saka kanga jangratemtsüka. Pa ya exemplary co-worker ka lir. Ni pa den music tsütsü inyaktsü asoshi kanga arendaka liasü, kechiyong pa iba wadang nung kanga takok ngua inyaka aoba nisung ka lir, saka pai pa den inyaker ajak kanga anisüngzüka inyakdaktsür.”
Timberlake aser Kendrick nati maneni taruba computer-animated romantic comedy film “Trolls” tatongtep film nung shilem agitsü. Iba tatongtep film ya 2020 nung sayatsü asoshi renema lir.