Music ajanga dang kü film peridaktsür: Varun Khanna

November 22, 2015: Chichiba atalokba otsü nung ajemdaker yangluba “Yeh Ishq Sarfira” film direct asüsang, Varun Khanna-i music ajanga dang pai yangluba film peridaktsür ta bilemer.
“Film nung shilem agirtem tasen süaka nüngtugu kentener Javed Ali, Tulsi Kumar aser Shruti Pathak nungeri asüngdangba ama film atema ken tentsüba atema parnok dang kanga pelar. Kensü ajungba dang masü saka kenjanga tajung asüba ajanga parnokia mulungsoa nangzük aser ibaji ajanga onoka nema tangteter,” ta Akhilesh Verma aser Naina Aswal nati tongti shilem agiba film yanglusang, Khanna-i ashi.
“Iba film ya chijiba atalokba, mang ayangba otsü lir. Pranav (Vatsa) aser Ayan (Ali Abbas) nunger ya ano ken mejemba tsütsü kanga jungabo mamentet ajisüaka parnok sempetji film atema ajungtsü ta parnoki sayutetogo,” ta pai ashi.
Benjung bentsü ken “Sutta party” aser “Dil yeh mera” nüknürar kentem den ken tapu balala aika iba film nung tena lir.
Iba film ya November 27 nü sayatsü sentong renema lir.