‘Music of David Bowie’ ticket nung $ 3,000 tashi tuogo

January 13, 2016: Tawa alima nungi pilasang British nunger nngtugu kentener, David Bowie aser pa indang music taoba mapang ama tang-a kanga jenjang tasak kümogo, kechiyong Carnegie Hall nung David Bowie tribute concert atema ticket ka jenjang US sen 3,000 tashi tuogo, ta TMZ.com osang ajanga ashi.

Carnegie Hall box office ajanga ashiba agi, ‘The Music of David Bowie’ kenten sentong atema ticket ayokba Hombar nü ghonda ka tsüngda yokmatok.

Iba kenten sentong nung The Roots, Cyndi Lauper, Jakob Dylan densema kentener aikati shilem agitsü.

Iba kenten sentong ya David Bowie masüdangyongi ita tenet jilia ayongzüka liasü, ajisüaka kenten sentong ayongertemi iba sentong ya tribute nungi memorial agi melenogo, ta osang angazüker.

David Bowie ya ita 18 tashi cancer tashitak den miima raraa aruba sülen taoba Deobar aonung arishi küm 69 nung alima nungi pilaa liasü.

Bowie ya January 8, 1947 nü South London nung aso aser pa akumli mapang pai kensep 25 tashi adoka sayaba den külemi pai film aika nung shilem agiogo.