Muslim Council Dimapur-i aitsür

Dimapur, March 1 (TYO) : Khermahal, Dimapur nung alir truck gari kibur aser driver Atabur Rehman aser pa den yariteper Abdus Sahid Choudhury na tepsetba aitsür, ta Muslim Council Dimapur (MCD) sangdong ka nung metetdaktsü.
Tenaji February ita Manja anasa sama aser mapang tatsüka lir mejangjatetba nisung kari par kibong dang sen meshi, saka February 27 nü Assam Police-i Diphu ayongküm nung tasümang asem ngutetba nung tena dena liasü, ta MCD sangdong nung shia lir.
Dimapur police-i temulung melemi bilemer nisung kar apuba atema tenüngsang agütsür aser maneni parnoki aibelenertem ajak pua ozüng tapet agi merenshitsü imlar, ta MCD, Working President A Rehman-i sangdong nung metetdaktsü.