Muslim kibong ka United Airlines tayimtsü nungi aludaktsü

New York, April 02 (Agencies) : Lendong nungi kümzüktsü mechi United Airlines pilot kati tayimtsü mapuso tsüngda Muslim kibong ka tayimtsü nungi meinzüka yok.
Chicago airport nung Eaman-Amy Saad Shebley aser la kinungbo na den tena chir asem Washington-i aoba tayimtsü ka nung mena lia tayimtsü anisang jagi aludaktsü.
Shebley-i tangokba video nung air stewardess aser tayimtsü anisangi parnok meintokba tangoka lir.
Shebley-i tayimtsü anisangdang ya bendangshidangba mapa asü ta asüngdangdang pai, masü ibai tayimtsü kümzüktsü atema, ta langzüba dak alaka tanga o kecha mashi.
American-Islamic Relations Council-i iba mapa inyaker, tayimtsü nung inyakertem nem temerenshi dalang agüjang ta United Airlines dangi shidi ka yokogo.
“Muslim yimsü amanger jakten ama anguba ajanga tayimtsü nungi arizüka yokba inyakyim agi joko lakogo. Security tetetzü tayimtsü nungi aritoka maksüdaktsütsü masü saka passenger tem kümzüktsü atema lir, ta CAIR-Chicago executive director Ahmed Rehab-i sangdong ka ajanga metetdaktsü.
Tanurtem sodi ngur DC-i aotsü lia tayimtsü nungi ozü kibong meinzüka yutsüba atema United Airlines-i aktsüla. Iba ama tatalokba ajangshitsü asoshi ano ozü tanurtem kanga tanur lir, ta Shebley-i Facebook nung zülutsü.
Shebley’er kibong dang airline-i taitok meshi aser tayimtsü tanga ka nung ticket agütsür yok.