Muslim nunger tamang aini aoba ‘Haj’ tenzükogo

Mina (Saudi Arabia), Sept. (Agencies): Tanü India nunger nisung lakh 1.5 dak tema densema alima tesem balala nungi Muslim nunger nisung meyirjangsa meyirjang tamang aini aoba ‘Haj pilgrimage’ tenzükogo.
Yasüng tamang aini aor kar temeshi yimti, Mecca nungi Mina leni kilometer pongu shi ao, aser timbaka tanep züngia sarasademba sülen apuso.
Tamang aini aortemji Mina nung temeshi kaket, Quran azüngtsü mesüra sarasademtsü aser asüng (Bodhbar) Arafat tenemi oa pei temenen bushia, tsüngrem dang nungi taochi meshia sayutsüngiba o angatsü.
Tamang aini aortem atema Mina nung süki 160,000 renemja lir.
Saudi sorkar ketdangsertemi ashiba agi taküm ‘Haj’ atema tamang ainlen jajar bendanger 13,74,206 Mina tonga aruogo.
Muslim yimsü nung tamanger kati pei akumli mapang nung khenbosa tamang aini aotsüla.