Muslim nungeri parnok temeten ajak angutsüla: Subramanian

New Delhi, April 23 (Agencies): Tawa Union Minister, Ravi Shankar Prasad-i, Muslim nunger nem maongka agütsüyonga parnoki Bharatiya Janata Party (BJP) nem vote magütsür ta jembibaji tim dang jembiogo, ta BJP lenir, Subramanian Swamy-i ashi.
Osangbener den jembidang Swamy-i, “Pai tim dang jembiogo, aser ibaji linük temzüng nung shitak dang, kechiyong kodang election agia sorkar kümdir, onokji nübur shilem 100 indang sorkar lir, aser iba nungji Muslim nungera dena lir. Anungji iba sülenbo onoki shibai vote agütsü mesüra magütsü, ibaji mezüngshitsüla. Anungji Ravi Shankar Prasad-i jembiba oji tim dang,” ta ashi.
Hokolbarnü Mindmine Summit nung jembidang Ravi Shankar Prasad-i, “Onok (BJP) chief minister 13 lir. Muslim nunger kar industry mesüra service nung aliba nenoki ngur ma?. Onoki Muslim nunger vote mangur,” ta jembia liasü.