Muslim tsür kati tejak meyibangba sü magienba atema senchi achi

Rome, November 13 (Agencies) : San Vito al Tagliamento, Italy nung Albania-Muslim tsür kati ozüng nung aliba ama la tejak meyibangba sü (niqab) yimjak nung lapoktsü tashi mangaba ajanga sen euro 30,000 senchi achi.
Taoba Hokolbarnü Pordenone province nung obendanger kati iba tetsür ita pezü tepuokdak ayutsü melena sen euro 30,000 senchi achitsü lemtettsüba den iba temerenshi melenteptsü atema ano euro 600 taa agitsü ta ashi.
Taoba ita, iba tetsür ya San Vito al Tagliamento town hall-i senden ka nung adentsü aru aser iba mapang centre-left mayor-i la tenük dang ngua meyibanger aliba sü lapoktsü aiben shiaka lai manga.
Anungji iba tesemi police aja aser arishi küm 40 tain tetsürji council assembly nungi anien.
La ya San Vito al Tagliamento nung 2000 küm nungi alir aser tawa ang Italy senso ka aküm.