MWC nung ZTE ajanga 5G amshitetba Gigabit phone saya

Barcelona, February 28 (Agencies): China nunger phone yangluba company ZTE ajanga 5G amshitetba Gigabit phone ka 2017 Mobile World Congress (MWC), Barcelona nung aliba mapang saya.
Gigabit ajanga second ka nung gigabit ka (Gbps) tashi karaa download süteter aser iba ajanga tang amshiba 4G dang ter ben agi tali tekaraba download süteter, ta ZTE ajanga metetdaktsü.
Gigabit phone nung ya Qualcomm Snapdragon 835 indang processor lir aser Snapdragon X16 LTE modem lir. Iba phone nung 360 degree panoramic, Virtual Reality Video aser 4K video nunger reprangtsü akoker.
Iba kasa company ajanga ZTE BLADE V8 smartphone-a MWC nung sayu aser iba phone ya March ita tiyong nungi angutsü aser ZTE BLADE V8 LITE phone ya March tatemlen nungi angutsü, ta metetdaktsü.
ZTE BLADE V8 indang display ya 5.2 inch aser FHD resolution lir. Iba phone tesülen 13MP camera lir aser tejaklen camera ana keta lir aser iba ajanga agle balala nungi noksa agitettsü aser 3D noksa agitettsü.
ZTE BLADE V8 LITE nung ya inch 5 indang IPS screen lir. Iba smartphone tesülen camera ya 13MP aser tejaklen camera ya 8MP lir aser Android Nougat operating system lir.
ZTE ajanga AXON 7 tajungba küma yanglur sayuogo aser iba phone nung ya Android Nougat aser GoogleDayDream lir. ZTE indang phone rongnung AXON 7 smartphone ya Virtual Reality amshitsü akokba phone mezüngbuba lir.