Myanmar anentsüh nung nisung 94 asü

Nay Pyi Taw, November 22 (Agencies): Kachin, Myanmar nung sentilong (jade) tutetba tesem ka anenbangba lendong nung asür mang 94 tashi lendong mapang tekümzükertemi ngutetogo, ta Deobarnü ketdangsertemi ashi.
Iba tesem ya alima nung ‘jade’ tajung tutetba tesem tulutiba rongnung ka lir aser iba anentsüh ya Honibar anepdang atalok.
Tan anentsüh yagi sentilong atur mejanga aliba semtu 80 nembang, ta Xinhua news agency ajanga metetdaktsü.
Iba lendong nung yariteptsü asoshi ‘rescue operation’ tenzükogo aser nüburtemi ashiba ama shitak asünungbo ano tasümang tali angutsü amai bilemer, ta Global New Light osangkaket ajanga metetdaktsü.
Tanga linük nungi arua iba mapa inyaker karbo anentsük aluba mapang ali magitsü entokba nung ‘jade’ bushia liasü, ta kasa osangkaket ajanga ashi.
Iba kasa tesem nung taküm küm tan agi ponguben buba anentsüh lendong ataloker, ta yangji alirtemi ashi.
Myanmar nung anguba ‘jade’ ji alima rangben dang nungi tajungba lir. Iba long ya sentsü tanen aser ateta angur koba China nung kanga senti süa amshir.