Myanmar anentsüh nung nisung ti süogo

Nay Pyi Taw, October 12 (Agencies): Anogo ka tejakdang Myanmar, Kayah state nung yimtsüng ana nung anentsüh lendong ajanga tajemba agi nisung ti süogo aser lendong nung yaritepertemi maneni Hombar nüa mongujemi alirtem bushidar, ta ketdangsertemi sangdong ka ajanga metetdaktsüogo.

Deobar nikongdang tzünglu kanga sashia aluba ajanga anentsüh lendong ataloka yim ana nung ki 30 anenbanga liasü, ta Xinhua news agency ajanga metetdaktsü.

Lendong agi amshir alirtem anepalutsü asoshi lendong nung yaritepertemi school aser mozü ki nung jenokdak semtu lapokogo, ta sangdong ajangasa ashi.