Myanmar Army tekolakba indang Twitter account shibangtsü

Naypyitaw, Monupii/May 17 (Agencies): Myanmar Army tekolakba Min Aung Hlaing, shiba Rohingya Muslim nung tepsetba ken o nung aija lir, pa idang Twitter account shibangtsüogo. Pai social media platform ya tesempatep osang proktsü atema amshiba atema shibangtsü.
Hlaing indang @sgminaunghlaing account iba hopta shibangtsüogo. United Nations-i Myanmar nunger lenir ya kin ka samatsütsü merangba atema obendangtsü atema benokba sülen pa indang Facebook account 2018 küm August ita shibangtsü.
Myanmar Army tekolakba shibai, 2017 küm Rohingya nunger 700,000 shi jenjang aoba mapang Army-i tashiyim mamshi ta ashi pa anema tang jenjang agiba ya Rohingya nunger activist Tun Kinh-i ethnic teloktem atema takok tulu ka ta shiogo.
Hlaing-i, social media nung Rohingya nunger ya Bengali nunger ta shiogo, koba ajanga parnok ya Myanmar nunger masü saka bendanger kümdaktsür.
Facebook nung pai Army-i tashiyim mamshi ta ashiba den telungpur dak rangloker inyakba ashi kin ka samatsütsü merangba masü ta ashi.
Burmese Rohingya Organisation UK tir Tun Khin-i taoba hopta Silicon Valley nung Twitter executives ajurua, kechiba tang tashi Hlaing indang account meshibangtsü ta ashishiba sülen tenokdangba ya agütsüogo.
Pa indang Twitter account ya küm ka shi mamshi liasü, saka iba account nokdangba ya tongtibang jenjang ka ta pelashishia agizükogo.
Tun Kinh-i ashiba agi, “Facebook den anitepa Twitter-i pa idang account shibangtsüba ya Rohingya nunger asoshi takok tulu lir, koba pai tesempatem osang prokshitsü aser pa inyakyimtem pusema nokdaktsü atema amshia liasü.”
“Rohingya nunger tepsetba nung tongti shilem agisangji Hliang lir,” ta pai ashi.