Myanmar-i par nija ‘satellite system’ yangluner

Nay Pyi Taw, April 29 (Agencies) : Myanmar-i par nija ‘satellite system’ yanglutsü sentong lir aser iba mapa asoshi tanir telok ka tentettsü, ta Honibarnü ketdangsertemi ashi.
Iba mapa anitsü asoshi tentetba telokji linük Tatong Tir, U Myint Swe alitsü aser nüngdakra par telok yagi Myanmar Space Agency atema inyaktsü. Iba den külemi parnoki International Telecommunications Union (ITU) aser tanga international teloki benshia aruba tetuyuba shitak nung ajemdaker inyaktsü, ta osangbenertemi ashi.
Ibai yangertsü asoshi nüngdakba senotsüji 2018-19 nung latettsütsü.
Myanmar nung Satellite amshiba mapa jenti akümer. Bank, totzü & gas, aser kaketshisatsü tem atema satellite balaka nüngdaker, ta ketdangsertemi ashi.
Satellite ajanga ali, tzü aser asetkong ajang nung tongtepratepteter. Iba den külemi ano Myanmar nung aliba yimtsütem aser asetkongtem den tongtepratep mapa nunga amshitettsü.