Myanmar: Maungtaw amaker nisung pezü pua lir

Nay Pyi Taw, January 08 (Agencies) : October 09, 2016 nü Myanmar anüdoklentip Rakhine state kübok Maungtaw tesem amakba nung densema lir ta temulung melemi bilemer parnok nisung pezü pua lir, ta Deobarnü linük nung osangbenertemi metetdaktsü.
Parnok pezü ya Honibarnü security force temi Myitnar aser Kyatyopyin yimtsüngtem nung kanga sashia mita aoba mapang apu, ta Xinhua news agency osang ajanga metetdaktsü. Kasa osang ajanga ashiba agi, asüngdangyatsü asoshi parnok ya tang police ket nung bendanga agütsüogo.
Kyikanpyin arrtsülen aliba outpost ji Maungtaw tesem nung aliba outpost asem rongnung ka lir aser yaküm October ita nüng iba tesem ya kiralongrartemi amak.
Iba amakba mapang police toku (9) aser sepia pungu (5) asü. Tanüngba outpost anaji Rathedaung nung aliba Kotankauk aser Ngakhuya office tem lir.