Myanmar nung India nunger 2 kahset, arrtsülen tensa mejungi lir

Imphal, May 05 (Agencies): Myanmar, Wuksu nung India nunger ana kahsetba sülen Manipur-Myanmar arrtsü nung aliba jila, Moreh nung tensa mejungi kümogo, ta osang angazüker.
Moreh nungi osang ka ajanga angazükba agi, maitsü jangjatsü atema tang tashi tasümangji India ketdangsertem nem magütsü.
Iba tatalokba sülen arrtsülen security akhangshiogo.
Osang ajanga angazükba agi, Moreh nungi India nunger ana- arishi küm 28 Mohammad Kheruddin aser Mohammad Jalanuddin na May 2 nü ango aputsü atema ayongi ao, ajisüaka tena kidangi meshilangba sülen Bodhbar aonung Wuksu nung tena tasümang angu. Tasümang nungji injang zübo aika liasü.
Police osang ajanga ashiba agi, tang district police superintendent-i Myanmar nung police ketdangsertem den tongtepratepdar.