Myanmar nung Mopung tesashi aonba agi nisung 18 asü

Nay Pyi Taw,  May 5 (Agencies) : Tan alima ajaklen yipru mopung kanga sashia arurba ajanga alima tesem balala nung nisung taküm samaba den takoksa jenti ajurua arudar.
Tan-a Myanmar linük nung yimti tulutiba rongnung tanabuba, Mandalay yimti nung tsüngsang mopung kanga sashia aruba ajanga tajemba agi nisung 18 taküm samaogo aser 24 yirur lir, ta Brihostibarnü osang ajanga metetdaktsü.
Mogok tesem dak alaka Mandalay yimti nung aliba tesem ajak iba yipru tesashi agi kongshi, ta Xinhua news agency osang ajanga metetdaktsü.
Iba mopung tesashi ajanga nisung aliba ki 1,417 aser school ki dena tanga ki 61 raksatsü, ta osang ajangasa ashi.
Yipur tesashi agi kongshiba tesemtem nung aliba nüburtem nem teyari ajak Myanmar sorkari agütsüdar.