Myanmar sorkar tasenba tentettsütsü nangzüker: Sein

Nay Pyi Taw, December 05 (Agencies): Myanmar sorkar tasenba timtem kecha majurui tentetja Myanmar yimsüsütsü tashi amoktsütsü tenangzükba olen ka Myanmar Tir, U Thein Sein-i tanü Honibar nü sangoktsüogo.
“Linük nung democracy yimsüsütsü yimya benshitsü aser terenlok lidaktsütsü nükjidong nung timtem kecha majurudaktsüi sorkar tasenba tentettsütsü alizüng yua lir,” ta Sein-i tanü metetdaktsü.
“Myanmar nung yimtenren tebentetbaren bener arutsütsü nükjidong nung tongti luden kati nungdakba maparen inyaktsü tenzüka lir,” ta shia, Myanmar nung yimji yimjung lia terenlokdak lidaktsütsü asoshi lenir ajungai tongti shilem agitsü tayongzükba ka Sein-i tanü metetdaktsüogo.
Paisa ashiba agi, Myanmar nung teti asoshi yimji yimjung lia tensa jungdaktsütsü atema tawa sorkar den agiba Nationwide Ceasefire Accord (NCA) nung madener sorkar anemertema anioksemtsü nungdaka lir.