Myanmar:Hotel nung inyaker 260 pua ayu

Nay Pyi Taw, March 14 (Agencies) : Telok kati Myanmar nung aliba hotel ka amakdang iba hotel nung inyaker nisung 260 tashi parnok asoshi inyakdaktsütsü atema pu ayu, ta Mongulbarnü osangbenertemi ashi.
Military sangdong ka ajanga, iba hotel nung inyakertem rongnung tetsür 150 aser tebur 110 lir. Parnokji Shan state kübok Kokang tesem nung aliba Myanmar National Democratic Alliance Army indang headquarter-i anir ao, ta ashiba Myanmar osangkaket ka ajanga ashiba agi.
Kokang yimtiba Laukkaing nung iba hotel March 06, 2017 nü nisung 45-i arua amakdang sen aser gari aika dena auyaba den parnoki ashi mangaba agi yangji inyaker ka dena tepseta yutsü.
Iba telok ya 1989 küm tentet aser parnok züngsem 2000 shi lir. Parnok ya Kokang nüjiso asoshi raratem lir aser parnoki taküm küm tenzüker külen Myanmar army tem den 48 ben tashi chitepa raraogo, ta osang ajanga ashi.
2016 November aser December ita China arrtsü anasa Shan aser Kachin na tsüngda raradang nisung 150 shi asü. Tasür rongnung sepaitem aser civilian tem dena liasü.