N.I.Jamir GHSS nung ‘Free Drinking Water’ facility lapok

Dimapur, November 7 (TYO) : Mines and Minerals Pvt. Ltd-i Ao Kaketshir Mungdang den yaritepa N.I. Jamir GHSS, Ongpangkong, Mokokchung nung ‘free drinking water facility’ ka yanglutsüogo.
Iba ya Nagaland nung tanabuba asütsü aser November 7, 2016 nü EAC Mokokchung, Daniel-i N.I. Jamir GHSS, Ongpangkong, Mokokchung-i ‘free drinking water facility’ ji lapoktsü.
Iba sentong nung tongti tesemdanger Daniel-i kaketshirtem dang oset kanga anga amshitsü atema tayongzükba agütsü.
Sentong nung AKM tenüng nungi Shilukaba Longchar-ia o jembidang, kaketshirtemji asüng asoshi lennirtem lir anungji meranga azüngtsüla, ta ajungshia liasü.
Sentong nung N.I. Jamir GHSS Ongpangkong Principal-i anküp tepela o jembi.
Mines and Minerals Pvt. Ltd-i Ao Kaketshir Mungdang den yaritepa mezüng Mayangnokcha Higher Secondary School, Mokokchung nung ‘free drinking water’ facility yangluja liasü.