N. Korea-i missile tendangba China-i aitsür

Beijing, February 13 (Agencies) : North Korea-i ballistic missile tendangba maparen China-i Hombarnü aitsüogo aser tesem nung liromedema alitsü mechi nung iba tsütsü inyaker teloktemi tenokdangba agütsütsüla ta ashi.
North Korea-i UN Security Council temzüng raksaa ballistic missile tendangbaji China-i aitsür, ta Foreign Ministry atema otongdar Geng Shunag-i ashiba osangbenertemi metetdaktsü.
Hombarnü Pyongyang-i ‘surface-to-surface medium- & long-range ballistic missile Pukguksong-2’ takok ngua tendangogo, ta metetdaktsü.