N Korea-i par Vice Premier nem tasüba temerenshi agütsü: Yonhap

Seoul, August 12 (Agencies): North Korea lenisang, Kim Jong Un-i benok sentongtem magizükba yong Kim-i aniba N Korea sorkari par vice premier, Choe Yong Gon nem tasüba temerenshi agütsüba osang ka South Korea-i ketdang asüba Yonhap News Agency-i tanü Bodbar nü metetdaktsüogo.

“Arishi küm 63 tain Choe-i par lenisang, Kim-i taküm May ita benokba forestry den sentakba sentong magizükba yong Choe firing squad kati kaseta merenshiba osang bushitetogo,” ta osangi ashi.

Taoba ita 8 tejaklen nungi tenzüka Choe lokti senden balala nung manguba osang ka N Korea den tesendaktep ayutsü mapatong ketdang asüba S Korea’er Unification Ministry-ia tanü metetdaktsü.

Ajisüaka, S Korea’er National Intelligence Service telokibo Choe tepseta merenshiba den sentakba osang lemsateptsü asoshi memulungi lir.