N Korea-i short-range missile 5 tashi kadoker

Seoul, March 21 (Agencies): North Korea-i short-range missile 5 tashi tanü, Hombar nü kadokba osang ka South Korea mitkar lenirtemi metetdaktsüogo.

“N Korea mitkartemi par linük anülulentiptsütsülen tentetba Hamhung yimti nungi kadokba missile-temji kilometer 200 shi jajaba sülen N Korea anüdoklen tzüyim nung tsükba osang jangjaogo,” ta S Korea mitkar Joint Chiefs of Staff, Admiral Choi Yoon-Hee-i osang jangjashitsü.

United Nations aser US nati par linük anema tenokdangba sentong benokba anemer ta sayua, N Korea-i mid-range missile 2 tashi taoba Hokolbar nüa tzüyim nung kadokba osang bushiteta lir.