N Korea-i tzüyim nung missile asem khaloktsü

Seoul, August 26 (Agencies): North Korea-i meta tatsü indang ballistic missile asem khaloktsü, ta UN mitkartemi ashi.
Item missile ya North Korea indang Gangwon province nungi khaloktsü aser kilometre 250 ao, ta South Korea indang ketdangsertemia ashi.
Taoba ita intercontinental ballistic missile tendangba sülen Pyongyang-i iba missile ya Pacific tzüyim nung US nunger indang Guam asetkong nung khaloktsütsü, ta amokmerena liasü.
Saka tang tesüsa tendangba missile ya US mesüra Guam madongtsü, ta US mitkartemi ashi.
South Korea mitkartem den US demsema mitkartem inyaksangshi indang telangzüba agüja North Korea-i aiben missile tendanga arur.
Tang ya US aser South Korea indang mitkartem longjemer training balala agiba mapang lir, aser item ya timba computer amshia inyaker.
Iba missile ya Honibarnü 06:49 (21:49 GMT Holulbar) ako nung khaloktsü, ta South Korea indang defence ministry ajanga ashi.
Missile ana tendangba nung tamakok alu, ta US mitkar mezüng osang ajanga ashi saka tanaben asadangba nung missile ka khaloktsüba den külemi apok aser ana kilometre 250 oor apok, ta ashi.
Item missile ya minute 30 tsüngta khaloktsü, ta ketdangser kati ashi.
“Tarutsü nung lendong timtem nungi kümzüktsü asoshi mitkartemi North Korea indang inyaksangshi kanga junga mita atar,” ta South Korea indang defence ministry ajangasa ashi.
1950-1953 Korean War ya linük ana tsüngta yimjung tezüngzüktep agia anenaka South aser North Korea tsüngta technical tsütsü bo maneni rara arudagi.