N.U, Fusion, DYA & Shitilong nungertem Semi final tongogo

Match Patron Mokokchung Addl. SP, T.Y Ngullie den 4th quarter final asaya metenzükdang Dilong Y/A o Shooting Starz asayartem aser MDFA officials-tem külemi tangokba noksa nung angur. Mokokchung, Oct 21, 2015.

Mokokchung, Oct 21 (TYO): Bodbarnü MDFA semi quarter final pezübuba asaya yangi Imkongmeren Sports Complex Mokokchung nung Dilong Youth Association o Shooting Starz F/C na asayaba DYA-i goal 1-0 agi koker parnoka semi final-i iogo.
Mezüng asaya tenzüker minute 13 dang or lia DYA puri free kick ka metsütsü maongka angu aser ibaji Jersey No. 4, Victor-i kanga junga metsüokja goal ka idaktsü. Shooting starz-ia iba goal kaji küpdoktsü kanga merang saka meküpdokteti asaya mapang ajak temadok. Tanü iba asaya nung Mokokchung Additional S.P T.Yanren Ngullie match patron liasü.
Oct 22 Brihostibarnü mezüng semifinal match N.U Lumami aser Shitilong SA na nikong 1:30 ako nungi tenzüka asayatsü. Tanabuba semifinal match-ji Oct 23 Hogulbarnü Fusion SC o Dilong Y/A na asayatsü. Final match-ji Oct 24 honibarnü 1:00 ako nungi tenzüka asayatsü ta tayongerisa metetdaktsü.