N Zealand Open: India’er doubles asayartem quarterfinal-i iogo

Auckland, March 24 (Agencies): India’er doubles badminton asayar telok 3 tashi takok ngua tang tasayadak New Zealand Open badminton asayamong quarterfinal asayatsü jenjang tanü, Brehostibar nü ajangzükogo.
2010 Commonwealth Games champions, Jwala Gutta o Ashwini Ponnappa nati points 10-21, 23-21, 21-15 ngua Japan tsür, Mayu Matsumoto o Wakana Nagahara na tsükdaktsüba sülen N Zealand tsür, Setyana Mapasa o Gronya Somerville na den quarterfinal asayatsü lemzükogo.
Tan asayamong nung 6 buba jenjang abener, Manu Attri o B Sumeeth Reddy natia points 21-15 21-16 agi Philippines nunger Ronel Estanislao o Paul Jefferson Vivas na tsükdaktsüba sülen Korea nunger Ko Sung Hyun o Shin Baek Cheol na den tebur doubles quarterfinal asayatsü jenjang ngua liasü.
Mixed doubles shilem nunga Pranaav Jerry Chopra o N Sikki Reddy nati points 21-16, 21-13 ngua Japan asayar, Takuto Inoue o Naru Shinoya na 2 buba round asaya nung tsükdaktsü.
Tenati Korea asayar, Shin Baek Cheol o Chae Yoo Jung na den quarterfinal nung ajuruteptsü.
Ajisüaka, tebur doubles asayar, Pranaav o Akshay Dewalkar nati points 14-21 17-21 ngua Chinese Taipei nunger Chen Hung Ling o Chi-Lin Wang na mekokteti tanü tamakok ajuruba osang jangjaogo.