N Zealand tsürtemi India madak T20 series akoktsüsa jenjang nguogo

Bengaluru, July 13 (Agencies): Rachel Priest-i balls 34 nung runs 60 yangluba densema lar New Zealand teloki wicket 6 agi India madak 2 buba Twenty 20 (T20) asaya tanü Hombar nü kokogo.

Tan takok anguba ya densema N Zealand tsürtemi asaya 3 densemba T20 indang asaya 2 tashi koka points 2-0 agi India den temaba jenjang ngua T20 series akoktsüsa jenjang angur lir.

Vanitha Vellaswamy-i balls 39 nung runs 41 yangluba densema India teloki tanü overs 20 nung runs 136 tashi yanglu saka N Zealand tsürtemi tanü overs 17.5 nung runs 139 tashi yanglua India madak 2 buba T20 asaya akok.

Tawa points 3-2 ngua India madak One-Day International (ODI) series akokba telok, N Zealand aser India na tsüngda tasembuba aser tatembangbuba T20 asaya tan Bodbar nü Bengaluru nungsa asayaba sülen N Zealand teloki India toktsütsü renema lir.