Na atema taküm Khristmas-ji Kechi

~ N. Imtitoshi Lkr, Ungma.
United Theological College, Bangalore.

Khristan taküm ka nung kanga dang yongya ataba mapangji Khrista asobo anogo (Christmas) ya asütsü ta amanger. Tulu aser tila, takar aser sensaker, tanur aser tain ajaki küm tenzukli nungi yongyaseta ataba ita ji December ita Yisu Khrista asoba anogo ya ka lir. Saka aiben asenoki shi jangraba aser alima longsulongben nung asonger/tenük poker (submerge in the pleasure of the world) küm ka yongyaseta ataba tu amajok nung süidaktsur. Küm tenzükli nungi sentong tapu palala yanglur kinungertem, medemertem, yangyu-züngartem sen aazüker chi ausu ka pelatepa lemsateptsü meranga inyakteper. Aser item ajak ya Yisu Khrista asobo tali mera ketetdaktsütsü aser pa tali sentsuwangshidaktsütsü asoshi renemteperba lir. Saka shi temang aser asen ki, yimtsüng renemba dang asü asen tanüla- h Yisu sotettsüsa renemdar? (Does Christmas only mean lights, decorations, party and fun to you?)
Takum khristmas-a na, ner kibong, asen arogo aser loktiliba-a kechi komala ka nung amongtsü bilema li r? Oda, shi jangraba aser longsulongpen, yi benjong, japujaritepa amongtsü bilemdar asü? Mesüra oda zübazüba kecha terenemshiba makai sadoksadoka lir ! Khristmas-ji süra kechi ? Yisu-i asenok temenen nung asonger lia asenok kümzüktsü aru, asenok nem tepela, teimla, tekümtet, taküm tasen agütsütsü aru. Asen menen khu abenba dang masü saka meimchir ajak atema takar, sensaker, lajar, lenimaor, tantsür tambur, shiranger atema iba limai aru. Süra naia taküm Khristmas nung langka tajung karbo inyaktsü bilema lir mali ? Alima ajunga tepela nung shi angu den chiyongtepdang ner kidangerbo chi surotsü-a malitsü menua mali ! Süra nai-a par atema Yisu asobo tenüng nung nai akokba agi langka kati danga yaritsü mulunga / bilema lir ma ? Arogo nunga programme tajungtiba yanglur pelashishia amongtsü meranger saka asen arogoia asen yimtsüng temeket nung aliba leni maor, lajar, tantsü tambur teyarir malir nem sarasadem den den oda oset/chiyongtsü tulu ka mesüaka bener otsüra aji shidakba Khristasji masütsü na ? Asenbo longshishiawa chir-a endokdang asen ana meta alir karbo khen chiyingtsüa maliba taküm aika lir. Asenok program tajung yanglur soushi tajungtiba sübor wawa menüa pelatepdang nisung karbo sentepi arunüaka subosülemtsü makai, chiyongtsü teperi machi temulung shiranga Khristmas arutsüang tsübua atadar. Asen taküm, kibong aser arogo jangratema benjongtepbaji teperi ta mebilemli saka Khrista shibai meimchir ajak asoshi tekümtet aser tepela bener arutsü, yamaji asenokia Khrista jilu ajizüka koda masür, timtemer, makamaiter, tantsü-tambur, shiranger kar danga peladakja mongra, ibaji ang shitakba Khristmasji südi sü ta bilema iba oset tila ka ajanga ayongzüker.