‘Na Koba Shiruru Mesük’ ta asüba Ao kaket ka sayaogo

Mokokchung, May 24 (TYO): Ungma nunger Rev. Dr. I. Imkong Jamir-i züluba kaket ka tenüng agi “Na Koba Shiruru Mesük” ta asüba kaket Bodbarnü World Aid Youth Mission (WAYM) executive member aser Ngati Baptist Church Pastor, Wb. Rikum Lkr ajanga WAYM Discipleship Care & Counseling Training Center Mokokchung Chapel Hall nung meraketa lapoktsüogo.
Pai iba kaket lapokja jembidang, kaketzüluri asenok meimchirtem shiruru den libaliro medemdangtsüsa bushiteta zülutetbaji kanga dang meranga sangraa züluogo, ta ashi.
Asen tetsü teboui shiruru den atishitepasa asenok meimchir den jembia aru. Süra shiruru dakji koba ama yimya ka aketba ajanga atishia jembi, item olen tajungtemji mesamadaktsüi wazüka ayutsü nükjidong yur iba kaket ya züluogo, ta kaketzülur Rev. Dr. Imkong-i ashi.
Rev. Dr. I. Imkong Jamir ya World Aid Youth Mission (WAYM) nung Director lir aser pai mapang shia tensa den apet kaket balala adoka amangbapurtem temoatsü jenti ngua arudagi.
Pai tang adokba kaket ya talinürtemi ABAM book stall (MTBA Complex) Mokokchung nung angutsü. Iba dak sendakba nung kari danga tezülur den jembinüra iba mobile number (9402988869) ajanga tongteprateptsü akok.