Na, ne kiyonger taküm kar ma ?

Shiba techir aka pa taküm kar; shiba Tsüngrem chir maka pa taküm maka.  – 1 Yohan 5:12.
Teti taküm! Tsüngremi asenok nem agütsütsü nangzükba koda tesüngmangtsü. Teti, takümji langka asenoki akatsüba masü. Yisu Khrista kija taküm nung Kibur aser Kümtetdakba ta agizüka lira asenok akatsüba langka asenok kar. Iba asoshi nai inyaktsüba langka mapa masü. Ibai tang ne meyong. Anungji ya asüngdangdi. Na tang teti takümji kar süra, iba jagi tanü taküm koda alitsü sayudaktsür asü? Sayutsüla. Asenoki bilemba sempet tuluba asenok nem agütsü – teti tatem maka asen Tsüngrem aser Tebu aser asen Kibuba Yisu Khrista den teti taküm ali. Iba jagi tanü asen lenmang anidaktsütsüla. Ken zülur kati ashi, “Ni teti taküm kara, kechiba ni tanü asoshi shisa bulutsü ? ”
Aji saka, tamanger ka ama iba tekong tatemlen shia alibaji angatettsüla aser asen kiyonger kong ali metettsüla. Khrista den ajuruteper, saka aji teti tatem maka Tsüngrem den pilaba aser teti tatem makai molumi nung alitsüba asütsü. Idakji tepu shitepa alitsü. Ne kiyongeri Khristaji dang lenmang, ochi taküm ta metettsü tanü nai kechi inyaker? Parnok alizüng ne dak metaloka lir.
Kibuba, Ne den kotak nung tatem makai alitsü nangzükba asoshi Ne tenüng asanger. Iba tenangzükba mangashi alir kar den lemsateptsü yariang. Amen.