NA TELEMTET KAR AGITSü LiR ASü?

Nü mulung ajak agi Kibuba dak amangang, aser na pei teshisadangba nung temulung lema teli. A.Shin 3:5
Ano nü taküm nung koba tajungba ta lemtettsü nüngdaka lir asü? Tsüngremi na atema tajungtibaji metet. Aseni aiben tang atema dang bilemer, mesüra tatsü ka nungi dang asenoki takümji aiben repranger, saka Tsüngrermi taküm rangpen aser teti tatem maka nungi Pai asen taküm repranger. Taküm nung tesülen koba tajungba asütsü Pai metet.
Asen taküm nung tashi tait mesüra tashi mait koba nungsa lir, itemji asenoki metetba dang nungibo Tsüngremi tajungba asen taküm indangji meteta lir.
Anungji pei teshisadangba nung temulung lema melii, telemteba tajungtiba agitsü asoshi Tsüngrem dang sarasadema Pa shisatsü meshidi.
Tsüngrem O jagi ashir, “Nü lenmang ajak nung Pa agizükang, aser pai nü lenmang metongtsütsü.” (A.Shin 3:6). Asen lenmang ajak nung Pa mulungba kadaktsüba ajanga asen taküm nung sayatenya ka sülen ka ta ataloktsü. Asenoki itemji ajangshia aotsü.
Sarasadem
Kibuba! Na kü tanuker lir: Nai kü mera ajak nüka Nai mulungba ama telemtetba agia jajatsü kü dang sayuangma ta Yisu Tenüng nung mepishir. Amen.